KhanKhugshin“Бизнесийн үйл ажиллагаандаа ёс зүйн хэм хэмжээг баримтлан ажиллахад энэхүү бодлогын гол зорилго оршино. Энэ нь хамтран ажилладаг хувь хүн, компани, байгууллага бүрийн биднээс хүлээх үйл ажиллагааны цогц байна. Түүнчлэн талуудын хүлээсэн үүрэг, хариуцлагыг тодотгоно.”
Бидний зорилго бол нийгэм, эдийн засгийн хөгжлийг дэмжих тогтвортой, урт хугацааны боломжуудыг нийгэмдээ бий болгох явдал юм.
Үйл ажиллагаа явуулж буй орчин, нийгмийнхээ өмнө хариуцлагатай байж, хамтран ажиллахыг бид эрхэмлэж байна. Үүний тулд Байгаль орчин, нийгэм, засаглалын бүтцийг тодорхойлон ажиллаж байна.
Бид бүх ажилчдад тэгш боломж олгож, тэдний оролцоог хангахыг эрмэлздэг. Нас, хүйс, гэр бүл, гэрлэлтийн байдал, арьсны өнгө, жирэмслэлт, хөгжлийн бэрхшээл, шашин шүтлэг, итгэл үнэмшил, бэлгийн чиг баримжаагаар ялгаварлан гадуурхахгүй эрх чөлөөт, тэгш боломжит орчныг бүрдүүлэхийг зорьж байна.
Бид шударга өрсөлдөөнийг эрхэмлэдэг бөгөөд компанийн бизнест хохирол учруулахуйц бүх төрлийн шударга бус үйл ажиллагааг хориглодог. Компанийн ажилтнууд үйлчлүүлэгчид, ханган нийлүүлэгчид болон өрсөлдөгчдөд компанийн дотоод нууц мэдээллийг өгөх эсхүл өрсөлдөгчдөөс нууц мэдээлэл эрж хайх, хүлээн авах, хэлэлцэхийг хориглоно. Бид Өрсөлдөөний тухай хуулийг баримтлан ажилладаг.
Бид, манай компанийн ажилчид болон хамтран ажиллагсдын эрх, нэр төрийг хүндэтгэдэг. Хүүхдийн хөдөлмөр.Тиймээс ч бид компанийн дотоод үйл ажиллагаа болон хамтран ажиллагсдын хүрээнд ямар нэгэн хүний эрхийн асуудал зөрчигдөж байна гэж үзвэл хуулийн хүрээнд цаг алдалгүй шийдвэрлэж ажилладаг.
Бизнесийн үйл ажиллагааны аль ч түвшинд аливаа зохисгүй үйлдлийн талаар санаа зоволтгүй мэдээлэх боломжийг өөрийн ажилчдадаа бид олгодог. Энэ хүрээнд хөндөгдсөн бүхий л асуудлыг хүлээн авч, зохих ёсоор шийдвэрлэнэ. Аливаа асуудлын талаарх мэдээллийг дээд түвшний албан тушаалтан менежерт дамжуулан мэдээлэх үүрэгтэй. Хэрэв боломжгүй гэж үзвэл компанийн “нууцын зэрэглэлтэй тайлан”-д оруулж мэдээлнэ.
Бид Монгол Улсын холбогдох хууль тогтоомжийн хүрээнд ажиллаж, бизнесийн бүхий л харилцаандаа хууль дээдлэх ёсыг баримталдаг. Аливаа хууль тогтоомж, стандарт, бодлогыг дагаж мөрдөөгүй бол сахилгын шийтгэл ногдуулах журмыг хэрэгжүүлдэг.
Аливаа хүний хувийн ашиг сонирхол түүний бодитой шийдвэр гаргах чадварт нь нөлөөлснөөр ашиг сонирхлын зөрчил үүсдэг. Тухайлбал:
Хувь хүнийхээ хувьд хэн ч улс төрийн үйл ажиллагаанд оролцож, хандив өгөх эрхтэй. Харин ингэхдээ эл үйлдлээ компанийн бус хувийн улс төрийн үзэл баримтлал, үйл ажиллагаа гэдгээ тодорхой байлгах хэрэгтэй юм. Үүнд;
Бизнесийн харилцааны энгийн нэг хэсэг болох аливаа бэлэг, урамшууллыг зохистой хэмжээнд хүлээж авах, өгөх явдлыг бид дэмждэг. Харин зохисгүй хэмжээнд буюу хэт их /том бэлэг, урамшуулал хүлээн авах, өгөхийг хориглодог. Бэлэг, урамшууллаар дамжуулан ямар нэгэн нөлөөнд автах болон нөлөөлөхөөр завдахгүй байх ёстой. Мөн бид тендер шалгаруулалтын үеэр ямар нэгэн бэлэг урамшуулал өгөх ба хүлээн авахыг зөвшөөрдөггүй дүрэмтэй.
Бид хээл хахууль, авлигыг үл тэвчих байр суурийг баримталж, авлигын эсрэг хууль тогтоомжийг дагаж мөрддөг. Бид авлигатай тэмцэх үр дүнтэй тогтолцоог хэрэгжүүлэн ажиллахыг зорьж байгаа бөгөөд бизнесийн түншүүдээсээ бидний энэхүү амлалтыг дэмжиж ажиллахыг ямагт уриалдаг.